5 қыркүйек күні Алматы қаласы Орталықтандырылған кітапхана жүйесі №4 кітапхана-бөлімшесі «Принтмедиа технологиялар» колледжінде 5 қыркүйек - Қазақстан халқы тілдері күні мерекесіне арналған «Биік сенің мәртебең ана тілім» атты әдеби-поэтикалық өнер байқауын ұйымдастырды. Бұл мерекелік шараға «Мемлекеттік тіл- ұлт тұмары» атты кітап көрмесі қойылып, көрмеге ақпараттық шолу жасалды. Экран арқылы «Тілге құрмет – елге құрмет» атты слайд-презентация көрсетілді. Іс-шараға арнайы дайындалған «Мақал-мәтелді жалғастыр» секілді ойындар ойнатылып, тіл туралы көрнекті ақындардың өлеңдері мен нақыл сөздері бойынша әдеби-викторина өтті. Колледж студенттері қазақ тілі туралы өлеңдерді мәнерлеп оқып, ән-жырдан шашу шашты. Өзінің өнерлерін паш етіп, белсенділік танытқан студенттерге кітапхана атынан құнды кітаптар сыйға тартылды.